Og strax er byrjað að spinna lygavefina...

Blaðamaður viðskiptablaðsins vitnar í viðtal við Creighton á bloomberg.com þar sem hann heldur því fram að Creighton hafi varað íslendingum við því að hætta við umsókn að ESB - að slíkt verði hreinlega til þess að samband ESB og Íslands fari í hönk. Bloggari Heimssýnar er fljótur að taka upp þessa "frétt" og miðla henni áfram. Hvorugur aðilinn lætur fylgja tengil í frétt Bloomberg. Ekki að furða því þá myndu lesendur sjá fljótt að þetta er bara bull. Creighton segir þetta aldrei og það er ekki einu sinni hægt að réttlæta slíkan misskilning á því litla sem hún hefur sagt.

Verði undir sameiginlegu stefnunni

Athugasemdir

[Jóhanna (IP-tala skráð) 24.1.2013 kl. 19:16]

Ef íslendingar trúa sínum utanríkisráðherra, þá er fokið í flest skjól.

Og láta sér detta í hug að írlendingar hagi ekki seglum eftir vindi er ótrúlegt að bera á borð fyrir okkur hér á klakanum. Svo mikið sem írlendingar hafa verið rassskelltir af ESB. Halló!!!

[G. Tómas Gunnarsson, 24.1.2013 kl. 19:24]

Nákvæmlega ekkert rangt í frétt Viðskiptablaðsins.

Hvernig myndir þú þýða setninguna:  Withdrawing the membership application could hurt the relationship with the EU, said Creighton.?

 "Hún segir það geta skaðað samband Íslands og Evrópusambandsins ákveði íslensk stjórnvöld að draga umsókn sína um aðild til baka."

Þetta myndi ég segja að væri nokkuð rökrétt þýðing.

[Fall, 24.1.2013 kl. 20:02]

Það er ekkert í því sem er haft beint eftir henni sem væri hægt að skilja á þennan hátt.

[G. Tómas Gunnarsson, 24.1.2013 kl. 21:33]

Þú meinar þá líklega að fyrst Bloomberg hafði setninguna "Withdrawing the membership application could hurt the relationship with the EU, said Creighton", ekki innan gæsalappa, þá sé hún einfaldlega lygi?

Öllum frjálst að hafa sína skoðun, en þessi er ekki sú rökréttasta sem ég hef rekist á.

Þú getur séð fréttina á Bloomberg hér, http://www.bloomberg.com/news/2013-01-24/iceland-expected-to-complete-eu-talks-irish-eu-minister-says.html

Hér, http://eyjan.pressan.is/frettir/2013/01/24/evropumalaradherra-irlands-vidraeduslit-gaetu-skadad-samskipti-islands-og-esb/ má svo sjá hvernig Eyjan höndlar málið. Virðist leggja nokkuð sama skilning í máli. Eyjan verður seint sökuð um annað en að hafa jákvætt viðhorf til Evrópusambandsins.

[Fall, 25.1.2013 kl. 01:00]

Þarft ekki að vísa mér á Bloomberg greinina. Er með tengilinn þarna í færslunni. Hafði líka samband við blaðamanninn. Hann fer svolítið frjálslega með það sem var sagt. En ekki eins frjálslega og fyrirsagnahöfundur VB.is. Hann er út á þekju.